Category

Эрүүл мэндийн даатгал

Байгууллагын эрүүл мэндийн даатгалын хамгаалалтаа хэрхэн ашиглах вэ

By | Зөвлөгөө, Эрүүл мэндийн даатгал

Албан байгууллага тань өөрсдийн ажилчдын эрүүл мэндэд онцгой анхаарал хандуулан эрүүл мэндийн даатгалд хамруулан учирч болох эрсдэлээс таныг хамгаалсан бол та болон хамтран ажиллагсад тань байгууллагын хувьд ямар чухал хүмүүс болохыг батлан харуулж буйн том илэрхийлэл юм. 

Байгууллагын эрүүл мэндийн даатгалд хамрагдсан тохиолдолд гэр бүлийн гишүүдээ хөнгөлөлттэй үнээр даатгалд хамруулах боломжтой юм. Ингэснээр та зөвхөн өөрийн эрүүл мэндийн асуудлаас гадна гэр бүлийнхээ эрүүл мэндийн эрсдэлийг давхар бууруулах бүрэн боломжтой болох билээ.

Улирал солигдоход үүсдэг дархлааны сулрал түүнээс үүдэх ханиад томуу, ядаргаа, хүйтний улирлын агаарын бохирдол, дулааны улирлын халдварт өвчлөл гээд гэр бүл бүрт улирал бүр ямар нэгэн эрүүл мэндийн асуудал тулгардаг. Эрүүл мэндийн асуудал тохиолдох бүрт хамгийн түрүүнд санхүүгийн асуудалд хүндрэл учирдаг нь хэвийн үзэгдэл. Харин эрүүл мэндийн даатгалд хамрагдсан тохиолдолд эдгээр эрсдэлийг багахан төсвөөр, санхүүд дарамт учруулалгүй даван гарах боломжийг бий болгох юм.

Жишээ нь: Жил бүрийн өвөл хүүхэд, том хүн гэлтгүй ханиад хүрч эмнэлгийн үйлчилгээ авдаг. Улсын эмнэлгийн хүрэлцээ муугаас үүдэн зарим нь гэрээрээ, зарим нь коридорт хэвтэн эмчлүүлэхээс өөр арга байдаггүй. Хэт их ачааллаас үүдэн хэвтэн эмчлүүлэгчид эмнэлэгт 3 хоног хэвтээд гарах нь ч бий. Цөөхөн хоног хэвтэн эмчлүүлж, үргэлжлүүлэн гэрээрээ эмчилгээ хийхээс өөр аргагүй нөхцөл байдал үүсдэг нь нууц биш. Ингэж эмчилгээ хийлгэсний дараа ихэнх хүүхдүүд гам алдан буцаад эмнэлэгтээ ирдэг. Маш олон хоногийн эмчилгээ, давтан өвчлөлүүд хүүхдийн дархлааг бүр үгүй хийх нь харамсалтай. Энэ нь ирээдүйд маш муу үр дагаврыг авчирах нь мэдээж…

Харин эрүүл мэндийн даатгалтай тохиолдолд хувийн эмнэлэгт бүрэн үйлчилгээг даатгалын нөхөн төлбөрөөрөө шийдэх боломжтой юм. Мөн урьдчилан сэргийлэх үйлчилгээ, эмийн зардал гэх мэт боломжуудыг эдлэх боломжтой билээ. Та дараах хэсгээс байгууллагын эрүүл мэндийн даатгалын онцгой нөхцөлүүдтэй танилцана уу.

  • Архаг өвчин – Та энэ жилд даатгалд хамрагдсан ч бай таны хууч өвчин хүндрэх цаашлаад хэвтэн эмчлүүлэх шаардлага гарсан тохиолдолд даатгалын хамгаалалтад бүрэн хамгаалах  нь хамгийн таатай.
    Нөхөн төлөлтөд : Ор хоногийн төлбөр, Лабораторийн шинжилгээ, Эмчилгээний төлбөр, Сэргээн засах мэс засал, Эмчийн жороор олгогдсон эм, тариа, эрүү нүүрний мэс засалд гарсан төлбөрийг даатгалын байгууллагаас  нөхөн төлөх боломжтой.
  • Гэнэтийн ослын даатгал- Гэнэтийн осол нь хэнд ч хэзээ ч учир ч болзошгүй зүйл учир өөрийн болон өрөөлийн буруутай үйлдэл, байгалийн гамшгаас үүдэн учирч болох гэнэтийн осолд өртсөн тохиолдолд та эрүүл мэндийн даатгалаас нөхөн төлбөрийг  барагдуулах болно.
  • Амбулаторийн эмчилгээ – Та үзлэг шинжилгээ хийлгэх, амбулаториор эмчилгээ үйлчилгээ авах шаардлагатай тохиолдолд хамгаалалтад бүрэн хамрагдах боломжтой.
    Нөхөн төлөлтөд :
    Лабораторийн шинжилгээ, Эмчилгээний төлбөр, Сэргээн засах мэс засал, Эмчийн жороор олгогдсон эм, нарийн мэргэжлийн эмчийн үзлэг, үйлчилгээ,  жижиг мэс ажилбарт гарсан төлбөрийг даатгалын байгууллагаас  нөхөн төлөх боломжтой.
  • Эрүүл мэндийн үзлэг 
  • Шүдний эмчилгээ – Ослоос үүдэлтэй,шүдний эмчилгээ болон мэс заслын тусламж үйлчилгээ, Ослоос үүүдэлтэй хиймэл шүдний зардал бүрэн хамрагдах боломжтой.

ХОЛБООТОЙ: Эрүүл мэндийн даатгал гэж юу вэ?

“Энх Ирээдүй” эрүүл мэндийн даатгалын үйлчилгээ”

Бид хувь хүний болоод байгууллагын нийт ажилтныг бүх төрлийн гэнэтийн осол, ердийн болон халдварт өвчин, мэргэжлээс шалтгаалах өвчин, архаг хууч өвчин, хавдар гэх мэт эрүүл мэндтэй холбоотой бүхий л эрсдэлээс хамгаалах “Энх Ирээдүй” эрүүл мэндийн даатгалын үйлчилгээг санал болгодог.

Та доорх холбоосыг дарж танилцуулгыг татаж авах боломжтой. Баярлалаа.

 

 

 

 

Яагаад эрүүл мэндийн даатгалд хамрагдах шаардлагатай вэ?

By | Зөвлөгөө, Эрүүл мэндийн даатгал

Бид өөрийн эрүүл мэнд болоод гэр бүлийнхээ гишүүдийн эрүүл мэндийн төлөө чадах бүхнээ хийдэг. Бид гэр бүлээрээ эрүүл чанартай хооллохыг хичээж, биеийн тамир спортыг дэмжиж, дархлаа дэмжих нэмэлт витамин зэргийг хэрэглэн, урьдчилсан шинжилгээнд хамрагдах зэрэг чадах бүхнээ л хийдэг.

Гэвч Монгол улсад биднээс шалтгаалахгүйгээр бидний эрүүл мэндийг сүйтгэдэг хүчин зүйлсүүд бий.

Read More

Барилга угсралтын явцад түгээмэл тохиолддог осол, эндэгдлүүд

By | Зөвлөгөө, ХАБ, Хүний нөөц, Эрүүл мэндийн даатгал

Хүйтний улирал дуусаж урин дулаан цаг ирж буйтай холбоотой хамгийн идэвхтэй үйл ажиллагаа явуулдаг салбарын нэг бол барилгын салбар билээ. Их хотын хөгжилд үнэтэй хувь нэмэр оруулж байгаа хэдий ч эрсдэл тохиолдоход амь нас, эрүүл мэндээр хэмжигддэг эрсдэл өндөртэй салбаруудын нэг. Барилгын салбарт гарч буй осол эндэгдлийг шууд хөдөлмөрийн аюулгүй байдлыг бүрэн хангаагүйтэй холбон ойлгоход буруудахгүй. Барилгын талбайд осол гарахад томоохон компаниуд туслан гүйцэтгэгч рүүгээ буруугаа өгөх, ХАБ-ын албанаас тарааж өгсөн аюулгүй хэрэгсэл болох малгай, хамгаалалтын бүс зэргийг ажилчид буруу хэрэглэсэн бүр хэрэглээгүй байсан гэх нь ч бий. Гэхдээ л аль, алинаас ч үүдсэн байсан ч энэ салбарын эрсдэл хүний амь, эрүүл мэндээр хэмжигддэг тул захиалагч компани, гүйцэтгэгч компани, ажилчид бүгд хүнийг гэх хандлагаар ажилдаа ханддаг байх нь чухал юм. Read More

Хүнд бэртэл, гэмтлийг даван ялалт байгуулсан алдарт тамирчид

By | Зөвлөгөө, Эрүүл мэндийн даатгал

Спорт гэдэг ямар их нэр алдар, амжилт, бахархлыг авчирдаг ч тэр бүхний ард хэчнээн их хичээл зүтгэл, хөдөлмөр, уналт, золиос, эрсдэл байдгийг бид төсөөлөхгүй. Энэ удаагийн нийтлэлээрээ бид спортын хамгийн хүнд бэртэл гэмтлийг сэтгэлзүй, бие мах бодоорой давж гаран амжилт байгуулсан алдарт тамирчдын тухай хүргэж байна.

Read More

Тамирчдад тохиолддог түгээмэл гэмтэл, бэртлүүд

By | Зөвлөгөө, Эрүүл мэндийн даатгал

Хэчнээн өндөр бэлтгэгдсэн тамирчин байлаа ч бэртэж гэмтэх магадлал үргэлж байдаг. Харамсалтай нь хүнд бэртэл гэмтлээс үүдэн удаан хугацаанд спортоосоо хөндийрөх бүр цаашлаад зодог тайлах ч эрсдэл үүсдэг. Спортын физик эмчилгээний эмч Brian McEvoy спортынхны түгээмэл өртдөг гэмтлүүд болон учир шалтгааных нь талаар бичсэн нийтлэлийг хүргэж байна.

Read More

Байгууллагадаа эрүүл мэндийн даатгал нэвтрүүлэхэд төлбөрийн асуудлыг хэрхэн шийдэж болох вэ?

By | Зөвлөгөө, Эрүүл мэндийн даатгал

Чадварлаг, өсөх ирээдүйтэй ажилтанг байгууллагадаа татах, тогтоон барихад байгууллагаас баримталж буй халамж, хангамжийн бодлого чухал ач холбогдолтой.

Энэ удаагийн нийтлэлээр байгууллагадаа эрүүл мэндийн даатгал нэвтрүүлэхэд төлбөрийн асуудлыг хэрхэн шийдэж болох талаар зөвлөгөөг хүргэж байна.

Байгууллага 100% хариуцах

Ажлын гүйцэтгэл болон чадамжийг харгалзан үзэж түлхүүр тоглогчид болон, өсөх ирээдүйтэй ажилчдын эрүүл мэндийн даатгалыг 100% байгууллага хариуцах нь түгээмэл. Эдгээр ажилчдаас ирэх үр өгөөж өндөр, байгууллагын үйл ажиллагааг тасалдалгүй авч явах суурь нөхцөл болдог тул гарч буй мөнгөн зардлаас илүү байгууллагад ашигтай байдаг. Мөн түлхүүр ажилчдаа тогтоон барих, бусад ажилчдад хичээн ажиллах урам зориг өгдгөөрөө давуу талтай.

Ажилтан 100% хариуцах

Энэ тохиолдолд ажиллагсдын санхүүд дарамт учруулахгүйгээр хэрхэн суутгаж авах талаар тооцож үзэх хэрэгтэй. Гэрээ зурагдахад байгууллагаас даатгалын шимтгэлийг 100% хариуцан төлж, дараа дараагийн арга хэмжээг хүний нөөцийн бодлогоор шийдэх нь үр дүнтэй. Ажиллагсдын цалингаас тодорхой хугацааны дараа төлж дуусахаар шимтгэл хэлбэрээр суутгах нь ажиллагсдад ирэх санхүүгийн дарамт нь бага байдаг.

Жишээ нь: Ажилтны нас, биеийн онцлог, эрүүл мэндийн байдлаас шалтгаалан эрүүл мэндийн эрсдэлийг тодорхойлно. Тухайн эрсдэлд үндэслэн даатгалын хамгаалалтаа сонгож төлбөр хэмжээ нь тодорхойлогдоно. Жишээ нь: Даатгалын хураамж 450,000₮ байлаа гэж бодоход ажилтны цалингаас нэг дор бүгдийг суутгахын оронд 3-5 хувааж цалингаас суутгахаар шийдэж болно. Энэ нь ажилчдын санхүүд дарамт учруулахгүйн зэрэгцээ танай хүний нөөцийн бодлогыг илүү хүчтэй, ажилтанд ээлтэй байхад тусладаг.

Байгууллага, ажилтан тодорхой хувиар хуваан төлөх

Төлбөрийн харьцаа нь 50/50, 70/30 гэх мэт ямар ч сонголттой байж болно. Тодорхой хувийг ажилтан хариуцаж байгаа тул санхүүгийн дарамт ирэх нь мэдээж. Гэхдээ өмнөх жишээний адил ажилтанд аль болох бага дарамт учрахаар цалингаас шимтгэл хэлбэрээр авах нь үр дүнтэй.

Эрүүл мэндийн даатгалын үйлчилгээ нь нэг талаараа хэрэгцээ шаардлага ч нөгөө талдаа үр дүнтэй, урам зоригтой ажиллахад түлхэц болдог.  Өсөх ирээдүйтэй, ажлын чадамж өндөр, залгамж халаа болох ажилчдаа энэ нөхцөлөөр даатгалд хамруулж идэвхжүүлэх нь ажлын бүтээмжид шууд нөлөөлнө.  Мөн байгууллага нь өөрийнх нь хөдөлмөрийн үнэлж байна гэх таатай сэтгэл зүйг бий болгох давуу талтай.

Та байгууллагадаа эрүүл мэндийн даатгал нэвтрүүлэхээр шийдсэн бол “Практикал даатгал” танд төлбөрийн хамгийн уян хатан нөхцөлийг санал болгож байна.

“Энх Ирээдүй” эрүүл мэндийн даатгалын үйлчилгээ

Бид байгууллагын нийт ажилтныг бүх төрлийн гэнэтийн осол, ердийн болон халдварт өвчин, мэргэжлээс шалтгаалах өвчин, архаг хууч өвчин, хавдар гэх мэт эрүүл мэндтэй холбоотой бүхий л эрсдэлээс хамгаалах “Энх Ирээдүй” эрүүл мэндийн даатгалын үйлчилгээг санал болгодог.

Та доорх холбоосыг дарж танилцуулгыг татаж авах боломжтой. Баярлалаа.

Байгууллагадаа эрүүл мэндийн даатгал нэвтрүүлэх 5 алхам

By | Зөвлөгөө, Хүний нөөц, Эрүүл мэндийн даатгал

Байгууллагынхаа ажиллагсдыг эрүүл мэндийн даатгалд хамруулах нь өдөр бүр хийгээд байдаггүй, үр өгөөж нь дунд болон урт хугацаанд тогтвортой гарах нь чухал, тодорхой зардал шаарддаг шийдвэр тул дараах гол алхмуудыг хийхийг зөвлөж байна.

Read More

Ажилчдаа ажлын байранд нь сэтгэл хангалуун үлдээх гайхалтай 5 санаа

By | Зөвлөгөө, Хүний нөөц, Эрүүл мэндийн даатгал

Мөнгөнөөс гадна ажлын байрыг аз жаргалтай газар болгон хувиргадаг маш олон хүчин зүйлүүд байдаг. Мэдээж та ажилчиддаа мөнгөн шагнал, урамшуулал олгох нь хэн бүхэнд таатай байх боловч тухайн төсвөөсөө ажилчдынхаа төлөө хэдий чинээ их сэтгэл гаргаж, санаа тавьдагаа харуулах юм бол ажилчдад илүү гүн сэтгэгдэл үлдэж, байгууллагынхаа талаар маш эерэг сэтгэгдэлтэй үлддэг байна.

Тэгвэл бид танд хэрхэн ажилчдынхаа төлөө санаа тавьж буйгаа илэрхийлэх гайхалтай 5 санааг хүргэе.

Read More

Амжилттай хүний нөөцүүдийн нийтлэг 5 шинж

By | Uncategorized, Зөвлөгөө, Эрүүл мэндийн даатгал

Хүний нөөцийн үндсэн үүрэг нь ажил олгогч болон ажилчдын хоорондох харилцааг холбох, хөнгөвчлөх явдал юм. Хүний нөөцүүдийн ажлын арга барил нь байгууллагын хамгийн чухал капитал болох ажиллагсадтай шууд холбоотой байдаг. Тэгвэл амжилттай хүний нөөц гэж хэнийг хэлэх вэ?

  1. Хүчтэй харилцааны чадвар

Хүний нөөцийн үндсэн үүрэг нь ажил олгогч болон ажилчдын хоорондох харилцааг холбох, хөнгөвчлөх явдал юм. Энэ нь аман болон бичгэн харилцааны чадварыг өндөр түвшинд шаарддаг төдийгүй уг чадвар нь мэдээллийг ойлгомжтой, үр дүнтэй хүргэх боломжийг бүрдүүлдэг. Мөн ажилчид хооронд болон ажилчид, удирдлагын дунд гарсан зөрчилдөөнийг зохицуулах хүчтэй харилцааны чадварыг шаарддаг.

Сайн харилцагч байх нь сайн сонсогч байх гэсэн үг юм.

  1. Ажилчдынхаа эрүүл мэндийг анхаарч үздэг

Амжилттай хүний нөөцийн гол шинж нь ажилчдын идэвх, санаачлага буурч буй цэгийг маш сайн мэдэрдэг бөгөөд хэрхэн бүтээмжтэй ажилууллах талаар мэддэгт оршдог. Ялангуяа эрүүл мэндийн асуудал, түүнээс үүдэн үүсэж болох олон эрсдэлийг тооцоолсон байдаг учир халамж, үйлчилгээний бодлогыг нарийн төлөвлөж чаддаг. Амжилттай хүний нөөцийн багтай компанийн ажилчид эрүүл мэндийн урьдчилсан үзлэгт тогтмол хамрагддаг төдийгүй тодорхой эрсдлүүд дээр даатгуулсан байх нь элбэг. Энэ төрлийн компаниуд зах зээл дээр хүн капиталыг амжилттай ажиллуулснаараа хүний нөөцийн нэр хүнд өндөр байдаг.

  1. Мэдээлэлд үндэслэн шийдвэр гаргах чадвар

Ажиллагсдын шилжилт хөдөлгөөн, ажлын ур чадвар, гэр бүлийн байдал, эрүүл мэндийн асуудал, цагийн бүртгэл, чөлөө/актын шалтгаан гээд ажиллагсадтай холбоотой маш их мэдээлэл хүний нөөцийн хэлтэст хадгалагдаж байдаг. Чадварлаг хүний нөөц ажиллагсдаа гарын 5 хуруу шигээ мэддэг бөгөөд ажиллагсадтай холбоотой бүхий л асуудлын шалтгааныг төвөггүй олж, шийдвэрлэх чадвартай байдаг. Ялангуяа өөрт буй маш их мэдээллийг ухаалгаар ашиглан, анализ хийн, шийдвэр гаргах чадвар өндөр хөгжсөн байдаг билээ.

Тэд үйл явдлын давуу болон сул талыг үнэлдэг шүүмжлэлт сэтгэгчид юм.

Тэд ур чадварын үнэлгээ, ажиллагсдын карьерын замналыг тодорхойлох, залгамж халааг бэлтгэх, ажиллагсдад зориулсан халамж үйлчилгээний бодлого гэх мэт маш олон стратегийн шинж чанартай шийдвэрүүдийг гаргадаг.

  1. Ёс зүй

Хүний нөөцийн ажилтнууд компанийн болон ажиллагсдын хувийн маш олон эмзэг мэдээлэл дунд ажилладаг. Тийм учир тэднээс өндөр харилцааны болон ажлын ёс зүй шаарддаг. Хуваалцах болон хуваалцаж болохгүй мэдээллийн хил хязгаарыг нарийн мэддэг байх хэрэгтэй төдийгүй удирдлага болон ажилчид байгууллагын дүрэм журмыг мөрдөж байгаа эсэхийг хянаж, зохицуулалт хийж чаддаг.

  1. Зохион байгуулах чадвар

Хүний нөөцийн ихэнх ажилтнууд ажилтан бүртэй холбоотой олон тооны бүртгэл, файлыг хянаж байх ёстой. Тэд ажилд авах, ажлаас халах, ажилчдын янз бүрийн тэтгэмж авахтай холбоотой олон бичиг баримтыг хариуцдаг. Хэдий хүний нөөцийн автоматжуулалтын олон төрлийн шийдэл бий болсон ч уулзалт товлох, арга хэмжээ зохион байгуулах гэх мэт олон хуваарьт ажлыг зохион байгуулах, бүртгэх, хянах чадвартай байх хэрэгтэй.

“Энх Ирээдүй” эрүүл мэндийн даатгалын үйлчилгээ

Бид байгууллагын нийт ажилтныг бүх төрлийн гэнэтийн осол, ердийн болон халдварт өвчин, мэргэжлээс шалтгаалах өвчин, архаг хууч өвчин, хавдар гэх мэт эрүүл мэндтэй холбоотой бүхий л эрсдэлээс хамгаалах “Энх Ирээдүй” эрүүл мэндийн даатгалын үйлчилгээг санал болгодог.

Та доорх холбоосыг дарж танилцуулгыг татаж авах боломжтой. Баярлалаа.

Ажиллагсдын эрүүл мэндээс шалтгаалах эрсдэлүүд

By | Зөвлөгөө, Эрүүл мэндийн даатгал

Ажиллагсдынхаа эрүүл мэндийг анхаардаггүй компани их хэмжээний алдагдал хүлээх магадлал их байдаг. Уг алдагдал нь зөвхөн мөнгөөр хэмжигдэх зардал бус цаг хугацаа, сэтгэл зүй, байгууллагын нэр хүндтэй шууд холбоотой. Дараах нийтлэлээс ажиллагсдын эрүүл мэндээс үүдэн ямар эрсдэл үүсэж болох талаар уншина уу. Read More