Хөрөнгийн даатгалын ач холбогдол
Category

Зөвлөгөө

9/11-ны халдлагын улмаас даатгалаас 4.55 тэрбум долларын нөхөн төлбөр авсан

By | Зөвлөгөө

2001 оны 9-р сарын 11 нд АНУ дах Дэлхийн худалдааны төв /WTC/, Пентагон болон агаарын тээврийн 4 онгоц барьцаалагдан алан хядагчдын халдлагад өртөн асар их хохирол амсжээ. Энэхүү халдлагатай холбоотойгоор даатгалын компаниуд нийт 31.6 тэрбум долларын нөхөн олговор олгосон ба халдлагын шууд материаллаг хохирлыг Олон улсын валютын сангаас 21.4 тэрбум ам.доллараар үнэлжээ. Тэгвэл АНУ-ын ерөнхий алдагдлыг тоо­цоолбол 100 тэрбум ам.дол­ларт хүрнэ. Энэ бол алан хядлагын золиос болсон хүмүүс амьд байсан бол эдийн засагт оруулах хувь нэмэр гээд байж болох бүхий л нөхөн төлбөр юм.

Тэгвэл халдлага болохоос ердөө 6 долоо хоногийн өмнөхөн Ларри Сильвэрстайн Дэлхийн худалдааны төвийн 99 жилийн хугацаатай 3.2 тэрбум долларын түрээсийн гэрээнд гарын үсэг зурсан бөгөөд бүх төрлийн эрсдэл бүхий даатгалын бодлогыг худалдан авсан нь цагаа олсон шийдвэр байсан байна.

9-р сарын 11-ний өдөр хоёр онгоц хоорондоо 15 минутын зайтай ихэр цамхагийг мөргөсөн нь тусдаа хоёр даатгалын тохиолдол хэмээн гэж үзэх нь зүйтэй гэж Сильвэрстайн үзэн цамхаг бүрийн нийт нөхөн төлбөр болох 7 тэрбум долларыг даатгагчдаас нэхэмжилсэн юм. Даатгагчдын зүгээс уг халдлагыг нэг даатгалын тохиолдол гэж үзснээр уг асуудал шүүхийн шийдвэрээр шийдэгдэхэд хүрч эцэст нь шүүх уг тохиолдлыг даатгалын тусдаа тохиолдлууд биш нэг тохиолдол хэмээн үзэж Silverstein-д 4.55 тэрбум долларын нөхөн төлбөр олгохоор шийдвэрлэсэн байна.

Дэлхийн худалдааны төвийн даатгалын хамгаалалт нь Lloyds Syndicate, Wurtembergische, Federal Insurance, Employers Insurance of Wausau, Great Lakes Reinsurance, QBE International Insurance Ltd., Lexington Insurance Company, Copenhagen Reinsurance болон Houston Casualty гэсэн томоохон 9 даатгалын компаниар хамгаалагдсан байсан бөгөөд Swiss Re компани уг барилгын даатгалын үнэлгээний 25%-ийг дангаар давхар даатгаж байсан учир ихээхэн хохирол амссан.

Дэлхийн худалдааны төвийг сэргээн босгох зардал 2004 онд 9 тэрбум доллараар хэмжигдсэн нь Сильверстейн агаарын тээврийн компаниуд болон нисэх онгоцны буудлын аюулгүй байдлын компаниудаас 12.3 тэрбум долларын хохирол нэхэмжлэхэд хүргэж шүүх хурал бараг 6 жилийн хугацаанд үргэлжилснээр Сильверстейн 4.6 тэрбум долларын нөхөн олговор авсан байна.

Сильверстейнийн жишээн дээрээс харахад хөрөнгийн даатгал нь биднийг болзошгүй эрсдэл, алдагдлаас сэргийлж байдаг ба хэрэв уг 2 ихэр цамхаг даатгалын хамгаалалтгүй байсан бол сэргээн босголтын зардал болох 9 тэрбум доллар болон түүнд үйл ажиллагаа эрхэлж байсан олон байгууллагуудыг оруулан хэр хэмжээний алдагдал хүлээх байсныг таашгүй.

 

Замын хөдөлгөөний ачаалал ихсэх нь олон эрсдэлүүдийг дагуулдаг.

By | Зөвлөгөө, Тээврийн хэрэгсэл

Наадмын дараа намар гэгчээр зуны амралт зугаалга үндсэндээ цэгцэрч хичээлийн шинэ жил сургууль, цэцэрлэг эхлэхтэй холбогдуулан хөдөө орон нутгаас ирэх тээврийн хэрэгслийн тоо тасралтгүй нэмэгдсээр байдаг.

Тэр дундаа хөдөө орон нутгийн замын урсгал хөдөлгөөн харьцангуй ихсэж, зорчигч болон жолооч нар зам тээврийн хөдөлгөөнд оролцохдоо тээврийн хэрэгслийн бүрэн бүтэн, аюулгүй байдал, хурдны хязгаарыг давахгүй байхыг анхааруулж байна.

Замын хөдөлгөөн ихэссэнтэй холбогдуулан тээврийн хэрэгслийн осол түүнээс үүдэн хүний амь нас, эрүүл мэнд, тээврийн хэрэгсэл эвдэрч гэмтэх, ачаа болон бусад эд материалын хор хохирол үүсдэг. Жолоочийн буруутай үйлдлээс шалтгаалсан осол ихэвчлэн хажуу хоорондын зай, замын хөдөлгөөний дүрэм зөрчих, согтуугаар тээврийн хэрэгсэл жолоодох  үйлдлүүд нь зам тээврийн осол гарах үндсэн шалтгаан болдог байна.

Зам тээврийн ослын дуудлагын 96.1 хувь нь нийслэлд ирүүлсэн дуудлага мэдээлэл, 3.9 хувь нь орон нутгийн цагдаагийн газар, хэлтэст ирүүлсэн дуудлага мэдээлэл эзэлсэн байна. Улсын хэмжээнд 21346 зам тээврийн осол бүртгэгдсэний 19191 буюу 89.9 хувь нь нийслэлд, 10.1 хувь нь орон нутгийн замд бүртгэгджээ. Үзүүлэлтийг өнгөрсөн оны үзүүлэлттэй харьцуулахад нийслэлд осол 23.7 хувиар, орон нутагт 23.5 хувиар тус тус буурчээ.

Улсын хэмжээнд зам тээврийн ослын улмаас 3557 хүн эрүүл мэндээрээ хохирсны 696 нь хүнд, хүндэвтэр зэргийн гэмтэл, 2861 нь хөнгөн зэргийн буюу тодорхой хэмжээний гэмтэл, бэртэл авсан.

Улсын хэмжээнд бүртгэгдсэн зам тээврийн ослын шалтгааны 97.7 хувь нь жолоочийн буруутай үйлдлээс шалтгаалсан ба хажуу хоорондын зай тохируулаагүй, уулзвар гарц нэвтрэх журам зөрчсөн, эгнээ байр буруу эзэлсэн, ухрах үйлдэл, хурд хэтрүүлсэн, согтууруулах ундааны зүйл хэрэглэсэн үедээ тээврийн хэрэгсэл жолоодсоноос шалтгаалсан осол дийлэнх хувийг эзэлсэн

Иймд өөрийн автомашинд учирч болох эрсдэлээс урьдчилан сэргийлж тээврийн хэрэгслийн даатгалд хамрагдахыг санал болгож байна.

Тээврийн хэрэгслийн даатгалд хамрагдсанаар үүсэж болох давуу талууд;

  • Замын хөдөлгөөнд оролцох бүх төрлийн эрсдэлүүд
  • Авто граж талбайн зогсоол дээр байх бүх төрлийн эрсдэлүүд
  • Гал түймэр, тэсрэлт дэлбэрэлт
  • Толь эд анги хулгайд алдах
  • Хулгайн сэдлээр таны автомашинд учирсан хохирол
  • Бүхэлд нь авто машинаа хулгайд алдах

Боловсрол уу? Эрүүл мэнд үү?

By | Зөвлөгөө, Эрүүл мэндийн даатгал

Дэлхийн эрүүл мэндийн байгууллага эрүүл мэндийг дэмжихэд сайн засаглал, эрүүл мэндэд ээлтэй хот, эрүүл мэндийн суурь мэдлэг гурав онцгой ач холбогдолтой гэж үздэг. Манай ерөнхий боловсролын сургуульд “Эрүүл мэнд”-н хичээл заадаг. Хүүхдүүд нэг удаа дэвтэрт тэмдэглэж аваад асуугддаг биш сурсан аа хийж хэрэгжүүлдэг байх хэрэгтэй. Жишээ нь шүдээ хэрхэн зөв угаах, амьсгалын замын халдварт өвчнөөс хэрхэн сэргийлэх, яавал гэдэс өвддөг гэх мэт наад захын энгийн өвчинг нэг удаа хэлж өгөөд бусад үед тоохгүй орхивол хүүхэд ойлгож, хэрэгжүүлж хэвших нь ховор. Хүүхэд Эрүүл мэндийн хичээл дээрээ л түүнийгээ шалгуулахад болно гэдэг ойлголттой болчихно. Гэтэл энэ хичээлийн хамгийн гол зорилго нь хүүхдийг эрүүл байх, эрүүл байхын үндэс суурийг ойлгож мэддэг, зөв дадал зуршилтай хүн болгож хүмүүжүүлэх шүү дээ. Энэ бүхэн дан ганц сургууль, багшийн асуудал биш гэдгийг ч эцэг эхчүүд маань давхар ойлгох хэрэгтэй. Ингэхийн тулд эцэг эхчүүд өөрсдөө эрүүл мэндийн суурь боловсролтой байх хэрэгтэй.

Манай улс цаг агаарын эрс тэс уур амьсгалтай тул улирал солигдох үед хүүхдүүд их мэдрэмтгий байдаг учраас амархан ханиад хүрч өвдөх нь их. Өнөөгийн нийгэмд өсвөр насны сурагч хүүхдүүд жилд хүнд, хөнгөн хэлбэрээр маш их өвчилдөг. Эм тариа, эмчилгээний задралаас авахуулаад эцэг эхчүүд давхар санхүүгийн дарамтад өртдөг. Хэрвээ хүүхдээ эрүүл мэндийн даатгалд хамруулбал өвдсөн ч асар бага зардлаар эмчилгээ хийлгүүлэх мөн эрүүл мэндтэй холбоотой бүхий л төрлийн тусламж үйлчилгээ авах олон давуу талтай билээ.

Эрүүл мэндийн даатгалд хамрагдана гэдэг өөртөө болон гэр бүлдээ хийж буй хамгийн том хөрөнгө оруулалт юм шүү.

Энх-Ирээдүй эрүүл мэндийн даатгалын танилцуулгыг татаж авахыг хүсвэл доорх холбоос дээр дарна уу.

 

Гадаадад их, дээд сургуульд явахаар зэхэж байгаа бол

By | Зөвлөгөө, Эрүүл мэндийн даатгал

Монгол орны зун тун богинохон. Зуны оргил үе нь ердөө л наадмын үе байдаг нь юутай үнэн. Аялал зугаалга, зуны нарлаг өдрүүд дуусах цаг нэгэнтээ болжээ. Хаяанд намар айлчлан ирж, амралтын улирал дуусаж, хүн бүхэн хичээл сургууль, ажилдаа орох бэлтгэлээ ханган тун ч завгүй гүйлддэг билээ.

Сүүлийн жилүүдэд гадаадад сурч боловсорч, ажиллаж, хөдөлмөрлөж байгаа, залуучуудын тоо жил ирэх тусам ихсэж байгаа билээ. Мэдээж энэ нь эргээд Монгол орны хөгжил, дэвшилд сайнаар нөлөөлдөг ач тустай.

Тэгвэл энэ удаагийн нийтлэлээр гадаадад их сургуульд сурахаар зэхэж байгаа, оюутан залуус-даа нэгэн чухал мэдээллийг хүргэх гэж байна.

Гадаад улс-руу их дээд сургуулиудад явахад тус улсын эрүүл мэндийн даатгалаар заавал даатгуулахыг шаарддаг бөгөөд хэрвээ та Монголдоо даатгуулаад явбал олон талын ашиг тустайг онцолж байна.

  1. Хэрвээ та эрүүл мэндийн даатгалд даатгуулсан тохиолдолд хэвтэж эмчлүүлсэн тухайн эмнэлгийн тогтоосон тарифын 10-15 хувийг өөрөө төлж, 85.0-90.0 хувийг эрүүл мэндийн даатгалын сангаас төлдөг. Та даатгалгүй бол зардлыг өөрөөсөө бүрэн төлөх ба эрүүл мэндийн даатгалын бусад бүх үйлчилгээний төлбөрийг ч өөрөө хариуцах юм.
  2. Хүний нутагт өвдөх шиг хэцүү зүйл байхгүй шүү дээ. Гэнэтийн осол гэмтлээс өөрийгөө урьдчилан сэргийлэх нь зүйтэй ч хэлж ирдэггүй хийс ч ирдэг осол гэмтэлд орвол давхар санхүүгийн хямралаас өөрийгөө хамгаалах хэрэгтэй. Тиймээс та Монголдоо даатгуулаад явбал гарах зардал нь ч бага тусна.
  3. Мөн эрүүл мэндтэй холбоотой бүх л төрлийн тусламж үйлчилгээг авах боломжтой.
  4. Эмчийн жороор олгох эм тариа 80-1000% хөнгөлдөг.

Манай Энх-Ирээдүй эрүүл мэндийн даатгал нь олон улсад зөвшөөрөгдсөн ба та болон таны гэр бүлийн гишүүдийн эрүүл мэндийг хамгаалахад зориулагдсан даатгалын үйлчилгээ юм. Энэхүү бүтээгдэхүүн нь Англи улсын “LAMP GROUP” компанитай хамтарч хэрэглэгчдийнхээ хэрэгцээ, шаардлагад нийцүүлэн гаргаж буй эрүүл мэндийн иж бүрэн даатгалын бүтээгдэхүүн билээ.

“Эрүүл мэнд эрхэм баян” гэдэг үг байдаг шиг, хүн эрүүл байх нь амьд явах баталгаа юм шүү.

Та Энх-Ирээдүй эрүүл мэндийн даатгалаас илүү олон төрлийн шийдлүүдийг авах боломжтой.

Энх-Ирээдүй эрүүл мэндийн даатгалын танилцуулгыг татаж авахыг хүсвэл доорх холбоос дээр дарна уу.

Таны амь нас таны гарт: Үлэмж авто тээврийн даатгал

By | Зөвлөгөө, Тээврийн хэрэгсэл

Манай улсад зам тээврийн осол 24,7% -ийг эзэлдэг нь сүүлийн 5 жилийнхтэй харьцуулвал хурдацтай өсч байгаа юм. Зам тээврийн ослын 80% нь хөдөө орон нутгийн замд бүртгэгдсэн байдаг ба ослын шалтгаан, нөхцөлийг ангилахдаа жолоочийн буруутай үйлдэл, явган зорчигчийн буруутай үйлдэл, замын нөхцөл байдлаас шалтгаалсан гэж гурван үндсэн төрөлд хуваан авч үздэг.

Орон нутгийн замд гарч буй ослын шалтгаан нь дийлэнхдээ жолооч аюулгүй байдлыг хангаагүйгээс үүдэлтэй хэмээн албаныхан онцолдог. Ялангуяа цагаан сар, наадам гэх зэрэг баяр наадмын үеэр тээврийн хэрэгслээр зорчиж яваа хүмүүс жолоочийн хариуцлагагүй үйлдлээс болж амь нас, эрүүл мэндээрээ хохирсон эмгэнэлт хэрэг явдал жилийн жилд ихэссээр байгаа нь харамсалтай. Жолооч нар хөдөө орон нутгийн замд согтуугаар тээврийн хэрэгсэл жолоодох, хурд хэтрүүлэн замын хөдөлгөөнд оролцсоноос шалтгаалан амь насаараа хохирсон цөөнгүй тохиолдол бүртгэгдсэн. Мөн замд тээврийн хэрэгслийг жолоодож яваа жолооч, гэр бүл, үр хүүхэд ойр дотнынхондоо аюулгүйн бүсийг зүүлгэж хэвшээгүй, бага насны хүүхдийн аюулгүй байдлыг хангаж зориулалтын суудал хэрэглэдэггүй зэрэг нийтлэг зөрчлүүд байсаар байгаа нь хүний амь нас хохирох эрсдэлийг дагуулсаар байна.

Зам тээврийн ослоос урьдчилан сэргийлэх, осолд орсны дараах тусламжийг энэ удаагийнхаа нийтлэлээр хүргэж байна.

Хурдаа хас!

Хурд хэтрүүлэн тээврийн хэрэгсэлд оролцохгүй байхыг зөвлөж байна. Манайхны яаруу адгуу зан нь зам тээврийн ослын томоохон шалтгаануудын нэг болдог.

Бүсээ зүү!

Суудлын бүсийг байнга зүүж хэвшиснээр өөрийгөө хамгаалах том зэвсэг болдог. Ялангуяа холын замд хүүхдээ зориулалтын суудалд суулган, зорьсон газраа очтолоо бүсээ тайлахгүй байхыг зөвлөж байна.

Жолоо барьж байгаа үедээ гар утсаар ярихгүй байж хэвшье!

Жолоо барьж байхдаа гар утсаар ярих нь жолоочийн анхаарлыг саринуулдаг муу талтай тул элдэв зүйлд сатаарахгүй замын хөдөлгөөнд орж хэвшицгээе.

Даатгуулж хэвшие!

Хэрэв осолд орсон бол тээврийн хэрэгслийн даатгал нь таны тээврийн хэрэгсэлд ямар нэг гаднын нөлөөллөөс үүдэлтэй эсвэл замын хөдөлгөөнд оролцож байх үед учирсан хохирлыг барагдуулдаг. Гэнэтийн санамсаргүй байдлаар хохирол учрахад төлөвлөөгүй зардал гарч санхүүгийн дарамтад орохоос гадна цаг хугацаа алдаж, сэтгэл санааны хямралд ордог. Энэ үед таныг бүх дарамтаас гаргах хамгаалалт бол тээврийн хэрэгслийн даатгал юм. Энэхүү даатгал нь таны тээврийн хэрэгсэлд учирсан хохирлыг мөнгөн хэлбэрээр эсвэл сэлбэх, засах, солих зэргээр нөхөн төлбөр олгодог ач холбогдолтой даатгал билээ. Таны амь нас таны гарт!

“ҮЛЭМЖ” АВТО ТЭЭВРИЙН ХЭРЭГСЛИЙН ДААТГАЛ

“Үлэмж” даатгал нь таны тээврийн хэрэгсэл замын хөдөлгөөнд оролцох үеийн эрсдэлээс гадна зогсоолын үеийн эрсдэл, хулгайн эрсдэл, байгалийн, галын гэх мэт бүхий л төрлийн эрсдэлүүдийг багтаасан даатгал юм.

Та доорх холбоосыг дарж танилцуулгыг татаж авах боломжтой. Баярлалаа.

Хэлж ирдэггүй хийсч ирдэг аюулаас хэрхэн сэргийлэх вэ?

By | Зөвлөгөө, Эрүүл мэндийн даатгал

Энх Ирээдүй эрүүл мэндийн даатгал

Өвчин хэлж ирдэггүй, хийсч ирдэг гэдэг үг бий. Гэвч хүний эрүүл саруул амьдрах явдал нь өөрөөс нь ихээхэн хамааралтай. Дэлхийн эрүүл мэндийн байгууллагаас гаргасан тоо баримт байдаг. Анагаах ухааны хөгжлөөс хүний эрүүл мэндийн 7-8% нь хамаардаг бол үлдсэн 92% нь өөрөөс нь хамааралтай. Гэтэл хүмүүсийн эрүүл мэнддээ хандаж байгаа хандлагыг ажиглаад байхад эрүүл мэндийн байгууллага болон эмч нарт өөрийнхөө эрүүл мэндийг бүрэн даатгачихсан хандлага ажиглагддаг. Ямар нэг өвчин туслаа гэж бодоход хүмүүс эмч дээр очоод л эрүүл болчих юм шиг санадаг. Гэтэл хүн өөрөө байгалийн бүтээгдэхүүн. Эрүүл зөв хооллолт, дасгал хөдөлгөөн эрүүл байхын үндэс болдог ч хүний бие организм байгалийн хуулиараа зохицуулагдаж байдаг.

Та болон танай ам бүлийн хэн нэгэн гэнэт хүнд өвчнөөр өвдөх нь гэр бүлийн нийт гишүүдэд сэтгэл санаа болон санхүүгийн хүнд цохилт болдог нь бодит үнэн билээ.

Сүүлийн жилүүдэд манай улсад хамгийн их тархаж байгаа халдварт өвчин, хавдар мөн агаарын бохирдлоос үүдэлтэй уушиг, зүрх судас, тархины өвчнүүд газар аваад байгаа юм. Ер нь хүн өвчин тусвал гарах зардал нь асар их. Эмнэлэг, хагалгаа, эм тариа гээд л таны бодсоноос их гардаг нь бодит үнэн. Түүнчлэн өнөөгийн үед олон нийтийн сүлжээ, хэвлэл мэдээллийн хэрэгслээр хандив гуйж аврал ирсэн хүмүүс ихсэх болсон нь харамсалтай. Манай ард түмэн ч хандив гуйсан хүсэлтэй хүмүүсээс залхаж эхэлсэн гэхэд хилстэхгүй биз ээ. Ер нь бол өвдсөн хүн санхүүгийн хямралд давхар орох ёсгүй

Учир нь санхүүгийн чадамжгүй байх нь хамгийн том стресс. Үүнийгээ дагаад өвчин ч хурдан эдгэрэх нь хэцүү. Тиймдээ ч бид ирээдүйд учирч болох эрсдэлээс сэргийлэн эрүүл мэндийн даатгалд хамрагддаг.

Гадаадын томоохон улс орнууд эрүүл мэндийн даатгалыг агаар ус мэт хэрэглэдэг.

Манай улсад ч мөн адил эрүүл мэндийн даатгалаа 100% ашиглан хэрэглэж хэвших нь зүйтэй. Энх ирээдүй эрүүл мэндийн даатгалд хамрагдсанаар таныг болон таны ойр дотнын хүн өвдөхөд шаардагддаг санхүүгийн асуудлыг тань шийддэг. Өөрөөр хэлбэл таны хамгийн хүнд хэцүү үед тусалж дэмждэг гэсэн үг юм. Үүнээс гадна өвчинд өртөхөөс сэргийлэх үйлчилгээг ч та ашиглах давуу талтай. Монгол хүн бүр эрүүл байг!

ХОЛБООТОЙ: Эрүүл мэндийн даатгал гэж юу вэ?

“Энх Ирээдүй” эрүүл мэндийн даатгалын үйлчилгээ”

Бид хувь хүний болоод байгууллагын нийт ажилтныг бүх төрлийн гэнэтийн осол, ердийн болон халдварт өвчин, мэргэжлээс шалтгаалах өвчин, архаг хууч өвчин, хавдар гэх мэт эрүүл мэндтэй холбоотой бүхий л эрсдэлээс хамгаалах “Энх Ирээдүй” эрүүл мэндийн даатгалын үйлчилгээг санал болгодог.

Та доорх холбоосыг дарж танилцуулгыг татаж авах боломжтой. Баярлалаа.

Аялалын даатгал

Аялах нь хүний эрүүл мэндэд хэрхэн нөлөөлдөг вэ?

By | Аялал, Зөвлөгөө

Хүний амьдралын салшгүй нэг хэсэг бол байгаль, хүрээлэн буй орчин, ус, агаар. Биднийг хүрээлэн буй юмс бүхэн нягт нарийн уялдаатайгаар бидний амьдралд эерэг сөргөөр нөлөөлсөөр байдаг. Урсгал усны чимээ сэтгэлийг эмчлэх эм болж, мандаж буй нарны туяа сэтгэл сэргээж, жаргаж буй нарыг харахад өөрийн эрхгүй тайвширч гуниглах мэдрэмж төрдөг байна. Энэ утгаараа хүн байгальд дэлхийтэй салшгүй холбоотойн дээр бидний сэтгэл хөдлөл, эрүүл мэнд байгалиас шууд хамааралтай гэж хэлэхэд буруудахгүй биз ээ.

Бидний өдөр тутмын амьдралд болж буй эерэг, сөрөг олон зүйлс хүний сэтгэл зүйн эрүүл мэндэд хүчтэй нөлөөлж цаашлаад цусны даралт, зүрхний цохилт, булчингийн хурцадмал байдал, дархлааны тогтолцоог дарангуйлдаг байна.

Байшин, барилга, авто машины чимээ шуугиант хөл хөдөлгөөнт хотын амьдрал нь хүнийг тайван бус, хурдан амьдралын хэмнэлд оруулж сэтгэл зүйд сөргөөр нөлөөлдөг болохыг Данийн Аэросын их сургуулийн эрдэмтэд 1985-2003 оны хооронд төрсөн 1 сая Даничуудыг хамруулсан судалгаагаар ногоон орчин бага орчинд амьдрах нь сэтгэл зүйн эрүүл мэндээр хохирох эрсдэлийг 55% – иар нэмэгдүүлдэг гэсэн судалгаагаар баталжээ. /www.weforum.org/

Аялах нь эрүүл мэндэд хэрхэн нөлөөлөх вэ?

Бид биеийн гадна болон дотор эд эрхтний өвчлөл, шарх сорвинд онцгой анхаарах хандуулан эмчид тогтмол үзүүлэх нь элбэг. Гэвч хүний хамгийн чухал анзаарч байх ёстой зүйл бол сэтгэл зүйн буюу сэтгэцийн эрүүл мэнд бөгөөд байгальд ойр байх нь сэтгэл зүйн эрүүл мэндийн хамгийн үр дүнтэй эмчилгээ болдог.

Байгаль бол тайвшрал 

Байгаль болон газар, шороо, ус, гал гэх мэт байгалийн элементүүд хүний сэтгэл зүйтэй нягт холбоотой бидний амьдралд нөлөөлөх нөлөөлөл нь асар хүчтэй хийгээд үнэ цэнэтэй гэдгийг бид заримдаа анзаардаггүй. Тиймээс байгаль дэлхийтэйгээ ойр байж моддын сэрчигнэх чимээг сонсон, зөөлөн салхилах салхийг мэдэрч, цэнхэр тэнгэрийг ширтэн байгаль дэлхийтэйгээ ойр амьдрах нь  сэтгэлийг тань тайвшруулж, тайван мэдрэмжийг авахад тань тусална.

Усны чимээ сонсох

Усны чимээг анхааралтай тайван сонсох нь мөн л нэг төрлийн эмчилгээ болдог бөгөөд усны чимээ хүний сэтгэлийг тайвшруулж, бодлын хэмнэлийг зөв тэнцвэржүүлж өгдөг.

Гэхдээ хэрхэн яаж зөв маягаар усны чимээг сонсох вэ? Урсгал усны чимээ, шиврээ бороо, аадар бороон чимээ, хүрхрээн чимээ гээд бүгд адил “Ус” гэдэг зүйл боловч сонсож байгаа хүнд өгөх мэдрэмж нь өөр өөр байдаг. Хэрвээ та бодол санаагаа цэгцлэн, төвлөрч, тайвшрах хүсэлтэй байгаа бол урсгал ус, шиврээ борооны зөөлөн чимээ танд тусална.

5 ХАН МИНУТАД АЯЛАЛЫН ДААТГАЛАА ХИЙЛГЭЭРЭЙ

Монгол орны үзэсгэлэнт газруудаар гэр бүл найз, нөхдөөрөө аялахаар төлөвлөж буй нийт аялагчиддаа аялалын явцад тохиолдох болзошгүй эрсдэлээс урьдчилан сэргийлэх МОНГОЛ ХҮН МОНГОЛДОО ЭРСДЭЛГҮЙ АЯЛАЯ – #АЯЛАЛЫН_ДААТГАЛ – ыг санал болгож байна.Аялалын даатгал

Ухаалаг хүний нөөц ажилчдын бүтээмжийн зөв хөдөлгөх хүч нь байж чаддаг

By | Зөвлөгөө, Эрүүл мэндийн даатгал

Байгууллагын хамгийн чухал нөөц бол ХҮН. Иймд ажилчдын тогтвортой суурьшилтай ажиллах, ажилчдын тасралтгүй өсөлт, хөгжил, эрүүл чийрэг байдал зэрэг нь тухайн байгууллагын амжилтын үндэстэй зайлшгүй холбоотой. Тиймээс үүнийгээ дагаад аливаа аж ахуй нэгж байгууллагын хүнийн нөөцийн алба, хэлтсийн үйл ажиллагаа, хүний нөөцийн уян хатан бодлого, хэрэгжүүлэлт тухайн байгууллагын ажилчдын өндөр бүтээлтэй, ажиллах үндэс болж байдаг.

Компанийн амжилтад, ажилчдын бүтээмжид хүний нөөцийн бодлого, үйл ажиллагаа хэрхэн нөлөөлдөг вэ?

Зөв хүнийг сонгох

Шинэ хүнийг ажилд сонгон шалгаруулах үйл явц тасралтгүй үргэлжилж байдаг үйл явц. Тэр ч утгаараа ярвигтай, мэдрэмж шаардсан ажил гэж хэлсдэхэд буруудахгүй. Компани бүр өөрийн эрхэм зорилго, алсын хараа, үнэт зүйлийг тодорхойлон бүх ажилчдыг нэг зүгрүү чиглүүлэх нь ирээдүйн амжилтын үндэс болдог тул компанийн соёл, алсын хараатай нийцэх ажил горилогчийг сонгон шалгаруулах нь чухал үйл явцад зүй ёсоор тооцогдоно.

Ажилчдын эерэг хандлага, бүтээлч байдлыг нэмэгдүүлэхэд анхаарах

Бид цаг үргэлж сурч хөгжиж, суралцаж байдаг. Тиймээс ажлын цагаас гадуур ажилчдын сурч хөгжих хэрэгцээг хангах, цалин урамшууллын болон нийгмийн харилцаанд тулгуурласан хэрэгцээг зөв тодорхойлсон санал, санаачлага, хөтөлбөр боловсруулан ажиллах нь ажилчдын ажилдаа дуртай болох, сэтгэл ханамжтай байх тал дээр том түлхэц болдог байна.

Ажилчдын халамж, үйлчилгээг нэмэгдүүлэх

Байгууллагаас ажилчдын ажил, бүтээмжийг урамшуулах замаар цалин нэмэгдүүлэн, цалинтай чөлөө олгох, нэмэлт урамшуулал бодох гэх мэт олон төрлийн халамж, үйлчилгээг хэрэгжүүлдэг хэдий ч хувь хүний эрүүл, чийрэг, бүтээмжтэй ажлаа гүйцэтгэхэд шаардлагатай эрүүл мэндэд чиглэсэн үйл ажиллагаанд анхаарах нь чухал.

Ажиллагсдаа халамжилдаг, эрүүл мэндийн болон халамжийн бодлого хэрэгжүүлдэг компаниудын ашиг тус нь чухам юунд оршиж байна вэ? Ажилчдын эрүүл мэндийг дэмжих хөтөлбөр байгууллагад хэрэгтэй юу?

Хүн бүрийг эрүүл амьдрахад тусалж чадах, эрүүл мэнддээ зориулахын тулд төлөх ёстой төлбөрийг нь хамгийн таатай нөхцөлөөр, гэр бүл, хувь хүний амьдралд санхүүгийн дарамтгүйгээр шийддэг шийдлийг эрүүл мэндийн даатгал гэж энгийнээр тайлбарлаж болох юм. Өөрөөр хэлбэл эрүүл мэндийн даатгал бол эрүүл мэнддээ хайртай, хариуцлагатай хүн бүрийн амьдралын дадал зуршил хэмээн илэрхийлдэг билээ.

Эрүүл мэнд бол хувь хүн хөдөлмөрийн өндөр бүтээл гаргах чадвартай, сэтгэл санааны амгалан тайван, сайн сайхан байхын чухал хэрэгцээ гэдгийг бид бүгд сайн мэднэ.

Ажилчдаа тогтмол үзлэг, шинжилгээнд хамруулж, эрүүл мэндийн дэмжих үйл ажиллагаа зохион байгуулж, эрүүл мэндийн даатгалд хамруулах журам, тогтолцоо бий болгосноор байгууллагын амин сүнс болсон ур чадвартай ажилчдынхаа тогтвор суурьшилтай ажиллах боломжийг нь хангах, ажлын бүтээмжийг нь нэмэгдүүлэх, сэтгэл ханамжтай ажиллах нөхцөлийг бүрдүүлэх олон талын ашиг тустай, хамгийн том халамж болдог зүйл билээ.

“ЭНХ ИРЭЭДҮЙ” ЭРҮҮЛ МЭНДИЙН ДААТГАЛЫН ҮЙЛЧИЛГЭЭ”

Бид байгууллагын нийт ажилтныг бүх төрлийн гэнэтийн осол, ердийн болон халдварт өвчин, мэргэжлээс шалтгаалах өвчин, архаг хууч өвчин, хавдар гэх мэт эрүүл мэндтэй холбоотой бүхий л эрсдэлээс хамгаалах “Энх Ирээдүй” эрүүл мэндийн даатгалын үйлчилгээг санал болгодог.

Та доорх холбоосыг дарж танилцуулгыг татаж авах боломжтой. Баярлалаа.

Боловсрол чухал ч эрүүл мэнд хамгийн чухал

By | Эрүүл мэндийн даатгал

Боловсрол  тэр дундаа  хүүхдийн боловсрол нь  зөв хүн болон төлөвших өдөр тутмын амьдрал, насан туршид нь нөлөөлөх үндсэн эрх, хүний хөгжлийн түлхүүр тул хүүхэд бүрт чанартай боловсрол олгох нь  эцэг эх бидний хүүхдийнхээ өмнө хүлээх үүрэг юм. Хүүхэд бүр боловсрол эзэмшсэнээр хөгжиж дэвшин, улс орны хөгжлийн бүтээгч нь болдог.

Бидний  ирээдүй болсон бяцхан хүүхэд багачууд тэр дундаа сургууль цэцэрлэгт хөл тавих гэж байгаа үрсийнхээ боловсролыг хамгаас чухал гэж үзэн эцэг эхчүүд бид аль л сургалт сайтай гэсэн сургууль, дугуйланд хамрагдуулж, өөрсдийн зүгээс хийж болох боломжит  хөтөлбөрүүдэд хамруулахыг хичээдэг.

Энэ нь мэдээж төлбөртэй, төлбөргүй, урт, богино хугацаанд харьцангуй  үргэлжилдэг. Бидний бяцхан үрс ч эцэг эхийн дэмжлэгтэйгээр хичээнгүйлэн суралцдаг.

Өнгөрсөн 2018 онд ерөнхий боловсролын улсын болон хувийн 803 сургууль, түүнд ногдох багш нар 30,411, сурагчдын тоо 593,200 тооны сурагчид суралцсан байна.

Энэ статистик судалгаанаас үзэхэд багш, сургуулийн тоо үнэхээр дутмаг байгаа нь илт.   Тэгвэл нэг өрх айл хүүхдийнхээ боловсролд хичнээн хэмжээний зардал гаргадаг вэ?

Мэдээж харилцан адилгүй. Тиймээс энэ мөнгөн дүнг өөрийн бодит жишээн дээр тооцоолол хийж үзье. Хувийн    сургуулийн дундаж жилийн сургалтын төлбөр  ойролцоогоор 5 – 8,5 сая төгрөг. Үүн дээр сар бүрийн хоолны төлбөр, гурван улирлаар тооцож үзвэл 360,000 төгрөг, сургуулийн хүүхдийн унааны зардалд жилдээ 250,000 төгрөгийг төсөвлөдөг. Ингээд нийтдээ бид хүүхдийн сургалтын зардалд жилд 5 – 9 сая зарцуулдаг байна.

Хүүхдэд чанартай боловсрол эзэмшүүлэхийн зэрэгцээ бидний анхаарах хамгийн чухал зүйл бол эрүүл мэнд.

Бидний хүүхдүүд сургуульд орж нийгмийн харилцаанд орж, бие даах чадварыг эзэмшихийн тулд зайлшгүй эрүүл мэндийн хувьд онц сайн байх хэрэгтэй. Тэгвэл бид сайн  боловсрол эзэмшүүлэх гэж төдий хэмжээний зардал гаргадаг ч эрүүл мэндэд нь хэрхэн анхаарал тавьж байна вэ ?   Хүүхдүүдээ тогтмол жилдээ нэг удаа эрүүл мэндийн бүрэн үзлэгт хамруулж чадаж байна уу? Улиралдаа нэг удаа шүдний эмнэлэгт очиж  чадаж байна уу? Эдгээр асуултад “Тийм” гэж хариулж байвал та бол гарцаагүй үлгэр дуурайлал болсон эцэг эхчүүд юм.

Одоогийн дүр зургаар дийлэнх эцэг эхчүүд дархлаа муудаж, өвчин хүндэрч, зовуур илэрсний дараа, шүд цоороод хүчтэй өвдөлт мэдрэгдтэл хүүхдийнхээ бие, бялдрын эрүүл мэндэд анхаарал хандуулдаггүй нь үнэхээр харамсалтай. Эцэг эхчүүд бид хүүхдийнхээ эрүүл мэндэд урьдчилан сэргийлэх тал дээр илүү их анхаар ч өвдсөн хойно нь арга хэмжээ авах нь цаг хугацаа болон санхүүгийн тал дээр ихээхэн хүндрэл учруулдаг. Өвчин хэлж ирдэггүй учир урьдчилан сэргийлж  хайртай үрсээ хамгаалаарай. 

Боловсрол чухал ч эрүүл мэнд хамгаас эрхэм билээ.

Та Энх-Ирээдүй эрүүл мэндийн даатгалаас илүү олон төрлийн шийдлүүдийг авах боломжтой.

Энх-Ирээдүй эрүүл мэндийн даатгалын танилцуулгыг татаж авахыг хүсвэл доорх холбоос дээр дарна уу.

Хамгийн хүнд эрсдэл бол хүүхдийн өвчлөл

By | Эрүүл мэндийн даатгал

Жилийн 4 улиралтай, эрс тэс уур амьсгалтай, хүрээлэн буй орчны бохирдолтой, амьдралын буруу хэв маяг, буруу зан төлөв давамгайлсан манай улс орны хувьд хүүхдийн өвчлөл, осол бол тулгамдаж буй асуудал. Read More